ეროვნულმა არქივმა ნანი ბრეგვაძის საოჯახო არქივი მიიღო

“რომანსის დედოფლის” სახელით ცნობილმა ლეგენდარულმა ქართველმა მომღერალმა ნანი ბრეგვაძემ საქართველოს იუსტიციის სამინისტროს ეროვნულ არქივს საოჯახო არქივი გადასცა. არქივში შევიდა აუდიო, ფოტო და წერილობითი მასალები, რომლებშიც შედის რომანსებისა და საესტრადო სიმღერების ჩანაწერები მაგნიტურ ლენტებზე, გრამფირფიტებსა და აუდიო კასეტებზე, ასევე საკონცერტო აფიშები, პროგრამები და წერილები.

ბრეგვაძემ აღნიშნა, რომ გადაწყვიტა ამ უნიკალური არქივის სახელმწიფოსთვის გდაცემა მისი მომავალი თაობებისთვის შესანარჩუნებლად. ტექნიკური დამუშავების დასრულების შემდეგ არქივი ხელმისაწვდომი იქნება მკვლევარებისთვის და ყველა მსურველისთვის.