ვყიდულობთ არასტანდარტულ ვაშლებს

საქართველოს გარემოს დაცვისა და სოფლის მეურნეობის სამინისტრომ განაცხადა შიდა ქართლში არასტანდარტული ვაშლის ორგანიზებული შესყიდვის მიზნით საკოორდინაციო შტაბის ამოქმედების შესახებ. მოსალოდნელია, რომ წელს მოსავალი, დაახლოებით, 50 ათასი ტონა იქნება.

უწყება გვახსენებს სახელმწიფო პროგრამით სუბსიდიების შესახებ. სუბსიდიის ოდენობა კილოგრამ ვაშლზე 0,1 ლარია. ეს დახმარება განკუთვნილია ხილის გადამამუშავებელი საწარმოებისთვის, რომლებიც 15 დეკემბრამდე შეიძენს ფერმერებისგან არასტანდარტულ ვაშლს კილოგრამზე არანაკლებ 0,25 ლარის ფასად.