ცხოვრების ღირებულება მკვეთრად იზრდება

საქართველოს სტატისტიკის ეროვნული სამსახურის მონაცემებით, ინფლაციის 2,2%-იანი ზრდის დროს წლის განმავლობაში ზოგიერთ პროდუქტსა და მომსახურებაზე ფასები 10-30%-ით გაიზარდა. ასე, ხილი და ყურძენი 30,1%-ით გაძვირდა, ბოსტნეული – 10,2%-ით, ტრანსპორტი – 11%-ით, ხოლო მისი ექსპლუატაციის ღირებულება – 15,1%-ით. სასტუმროებში, კაფეებსა და რესტორნებში ფასების ზრდამ, დაახლოებით, 7,5% შეადგინა. ალკოჰოლი 4,3%-ით გაძვირდა.

ფასების ყველაზე მცირე მატება ხორცსა და ხორცპროდუქტებზეა – 1%, ხოლო თევზი და ზღვის პროდუქტები, პირიქით, 1,9%-ით გაიაფდა. ანალიტიკოსების აზრით, გაძვირების მიზეზი შესაძლოა, ქვეყანაში მუშახელის დეფიციტი იყოს: გაიზარდა შრომის ღირებულება, რამაც ასევე გამოიწვია საქონლისა და მომსახურების გაძვირება.