თბილისსა და რუსთავს 60 ახალი ავტობუსი დააკავშირებს
19 ივლისი, 2024
რუსთავის მერმა ნინო ლაცაბიძემ ქალაქსა და თბილისს შორის რეისებისთვის 60 ახალი ავტობუსის შესყიდვის შესახებ განაცხადა. შშმ პირებისთვის ადაპტირებული თანამედროვე მუნიციპალური ტრანსპორტი შემოდგომიდან იმოძრავებს. ავტობუსის მარშრუტები მოგვიანებით გახდება ცნობილი.
ლაცაბიძემ აღნიშნა, რომ ახალი ავტობუსების შეძენის შესაძლებლობა მუნიციპალიტეტის ბიუჯეტის 20 მლნ ლარით გაზრდის გამო გაჩნდა. რუსთავი, რომლის მოსახლეობა, დაახლოებით, 130 ათასი ადამიანია, თბილისიდან 8 კმ-ში მდებარეობს. ამჟამად ქალაქებს შორის ისანში და უკან მოძრაობს 12 მუნიციპალური ავტობუსი და ასამდე კერძო კომპანიის მარშრუტი.
კომენტარის დატოვება