თბილისსა და ბათუმს დამატებითი რეისები დააკავშირებს

“საქართველოს რკინიგზა” იუწყება, რომ 1-ლიდან 25 აგვისტოს ჩათვლით თბილისი-ბათუმი-თბილისის მარშრუტზე რეისების რაოდენობა გაიზრდება. მარშრუტზე ღამის მატარებელიც იქნება. თბილისიდან ბათუმის მიმართულებით ორი დამატებითი რეისი (გასვლა 6:30-სა და 10:25-ზე) და ორი უკანა მიმართულებით (გასვლა 14:20-სა და 17:20-ზე) იქნება გაშვებული.

ბილეთები იყიდება ოფიციალურ საიტზე და საქართველოს რკინიგზის სალაროებში, ასევე პარტნიორ კომპანიებთან და სწრაფი გადახდის აპარატებში.