სტატისტიკა მეცხოველეობის სფეროში

“საქსტატის” მონაცემების თანახმად, მიმდინარე წლის მეორე კვარტალში საქართველოში მსხვილფეხა რქოსანი საქონლის რაოდენობამ 887,6 ათასი ერთეული შეადგინა, რაც 3,4%-ით ნაკლებია 2023 წლის მაჩვენებლებთან შედარებით. ძროხებისა და კამეჩების რაოდენობა 4,9%-ით შემცირდა და 410,7 ათასი შეადგინა, ღორების რაოდენობა 10,9%-ით გაიზარდა და 198,1 ათასი შეადგინა, ხოლო შინაური ფრინველის რაოდენობა 3,6%-ით შემცირდა და 10,4 მლნ შეადგინა.

აპრილიდან ივნისის ჩათვლით საქართველოში ხორცის წარმოება 2023 წელთან შედარებით 11,1%-ით გაიზარდა და 19 ათასი ტონა შეადგინა. ამასთანავე, შემცირდა რძისა (8,9%-ით 184,1 მლნ ლიტრამდე) და კვერცხის (4,5%-ით 162,9 მლნ ცალამდე) წარმოება.