შენობა, სადაც აკვარიუმი მდებარეობს, გარემონტდება

ბათუმში, რუსთაველის 51-ში, მდებარე შენობაში, სადაც მონიტორინგისა და პროგნოზირების ცენტრის შავი ზღვის ფილიალი და უზარმაზარი აკვარიუმია განთავსებული, გარემონტდება. 6,7 მლნ ლარის ღირებულების ტენდერში გამარჯვებულმა 2025 წლის დეკემბრის შუა რიცხვებამდე უნდა აღადგინოს შენობა და მიიყვანოს ის ერთიან ჰარმონიულ იერსახემდე, გააკეთოს სახურავის კაპიტალური რემონტი და შეცვალოს სართულებს შორის არსებული ძველი ხის გადახურვა.

ორსართულიანი შენობა 1944 წელს აშენდა, შემდეგ მას დაემატა ახალი ფრთა და მიშენებები. ბათუმის სადემონსტრაციო აკვარიუმი აქ 1966 წელს გაიხსნა. ფრთა, სადაც ის მდებარეობს, ხელახლა აშენდება და მნახველები აკვარიუმში გვირაბის გავლით მოხვდებიან. ამასთანავე, შენარჩუნდება და აღდგება ერთ-ერთი კედელის მოზაიკა და გაკეთდება განათდება.