შემცირდა მგზავრთა გადაზიდვების მაჩვენებელი

ეროვნული სტატისტიკის სამსახურის “საქსტატის” მონაცემების თანახმად, მიმდინარე წლის პირველ კვარტალში რკინიგზით სატვირთო გადაზიდვების ჯამური მოცულობა წინა წლის მაჩვენებლებთან შედარებით 2,5%-ით გაიზარდა, თუმცა მგზავრთა გადაზიდვის მონაცემები 1,4%-ით შემცირდა. საერთო ჯამში, საქართველოს რკინიგზამ გადაიყვანა 465,9 ათასი მგზავრი და 3,2 მილიონი ტონა ტვირთი.

ტვირთის გადაზიდვაში მოცულობები ასე გადანაწილდა: 12% – ადგილობრივი გადაზიდვები, 28,9% – საერთაშორისო (ტრანზიტის გარეშე) და 59,1% – ტრანზიტი.