სამრეწველო პროდუქციის ფასები იზრდება

საქართველოს სტატისტიკის ეროვნული სამსახურის “საქსტატის“ ცნობით, მიმდინარე წლის მაისში შიდა ბაზრისთვის წარმოებულ სამრეწველო პროდუქტების ფასები წინა წლის მაჩვენებელთან შედარებით ერთბაშად 5,5%-ით გაიზარდა. ამასთანავე, აპრილის მონაცემებთან შედარებით ისინი 0,2%-ით შემცირდა.

აღნიშნულია, რომ გადამამუშავებელ მრეწველობაში ფასები 3,8%-ით გაიზარდა , ხოლო სამთომოპოვებითში – 17%-ით. ფასები იმპორტირებულ პროდუქციაზეც გაიზარდა – 2,3%-ით.