საქართველოში ღარიბი ოჯახების რაოდენობა გაიზარდა

საქართველოში ღარიბი ოჯახების რაოდენობის ზრდა შეინიშნება: წლის დასაწყისიდან 1 ივლისამდე მათი რიცხვი 2,3%-ით გაიზარდა და 125,6 ათასს მიაღწია. უკიდურეს სიღარიბეში მყოფი ოჯახების რაოდენობა 296-ით გაიზარდა და 26,6 ათასს შეადგენს, რაც მთელი ქვეყნის მასშტაბით 55,8 ათასი ადამიანია, აქედან 20 ათასზე მეტი თბილისში ცხოვრობს. ქვეყნის, დაახლოებით, 450 ათასი მოქალაქე სიღარიბის ზღვარზეა, აქედან 250,9 ათასი ქალია.

ღარიბი ოჯახების ყველაზე დიდი რაოდენობა დაფიქსირებულია თბილისში (32,8 ათასი), ქვემო ქართლსა (20,7 ათასი) და იმერეთში (13,5 ათასი). მცხეთა-მთიანეთისა და სამცხე-ჯავახეთის რეგიონებში ეს კატეგორია ყველაზე ნაკლებად არის წარმოდგენილი – 3,1 ათასი ოჯახი თითოში. ღარიბი მოქალაქეები იღებენ დახმარებას სარეიტინგო ქულების მიხედვით: ის მერყეობს 10-დან 60 ლარამდე ზრდასრულზე და 200 ლარამდე 16 წლამდე ასაკის ბავშვზე.