საქართველოს ბუნების საოცრებები სულ უფრო მეტ ტურისტს იზიდავს

2024 წლის დასაწყისიდან 1 ივნისამდე საქართველოს დაცულმა ბუნებრივმა ტერიტორიებმა 153 730 მნახველი მოიზიდა. ეს 18%-ით მეტია წინა წლის ანალოგიურ პერიოდთან შედარებით. ამ რიცხვიდან 61% უცხოელმა ტურისტებმა შეადგინა. პრომეთეს მღვიმე, მარტვილისა და წალკის კანიონები ზედიზედ მესამე წელია, ვიზიტების მიხედვით ლიდერებად რჩება.

წლის ბოლომდე იგეგმება, დაახლოებით, 690 კმ სიგრძის ტურისტული მარშრუტების ქსელის შექმნა, რომელშიც შევა რვა დაცული ტერიტორია: ბორჯომი-ხარაგაული, კინტრიში-მტირალა, ქობულეთი, თბილისი, თუშეთი-ფშავ-ხევსურეთის ეროვნული პარკი და ყაზბეგი. გარდა ამისა, თბილისის ეროვნულ პარკში ზედაზენზე და ქობულეთის დაცულ ტერიტორიებზე აღჭურვილი იქნება ცენტრები მნახველებისთვის.