რთველი აქტიურად მიმდინარეობს

საქართველოს ღვინის ეროვნული სააგენტო იუწყება, რომ სექტემბრის დასაწყისში კახეთში ქარხნებმა უკვე გადაამუშავა 13 ათას ტონამდე ყურძენი. აქედან 7,5 ათას ტონამდე “რქაწითელი” და 2,3 ათას ტონამდე “საფერავია”. ამ ჯიშებზე ფასები ამ დროისთვის 1 კგ-ზე 1,07 ლარი და 1,30-1,40 ლარია.

სპეციალისტები რთველის შედეგებით 300 ათას ტონა ყურძენს ელოდებიან. მის გადამუშავებაში 500-ზე მეტი ქართული ღვინის საწარმო იქნება ჩართული.