პოეტის დაბადების დღე

6 ივნისს, დიდი პოეტის ალექსანდრე სერგეის ძე პუშკინის დაბადების დღეს, ბევრ ქვეყანაში აღნიშნავენ რუსული ენის საერთაშორისო დღეს.

საქართველოსთვის ამ დღესასწაულს აქვს განსაკუთრებული მნიშვნელობა: პუშკინმა და მისმა ნამუშევრებმა დაიმსახურეს ჩვენი მაცხოვრებლების სიყვარული და პატივისცემა. ამას მოწმობს ჩვენი ქვეყნის სხვადასხვა ქალაქში დადგმული პოეტის ძეგლები და თბილისის ერთ-ერთი ცენტრალური ქუჩა, რომელიც პუშკინის სახელს ატარებს.

თანამედროვე ქართველი ახალგაზრდები თბილად ეპყრობიან რუსი პოეტის შემოქმედებას და ყოველწლიურად აღნიშნავენ მის დაბადების დღეს თბილისში მდებარე ძეგლთან – ისინი კითხულობენ პუშკინის ლექსებს რუსულ და ქართულ ენებზე.

პოეტი თბილისს 1829 წელს ეწვია და იხსენებდა მას თავის სამოგზაურო ნარკვევში „მოგზაურობა არზრუმში“. „მომხიბვლელი კუთხე! რამდენი ჭეშმარიტი პოეზია ამოვკრიფე, რამდენი განსხვავებული შთაბეჭდილება მივიღე“, – წერს პუშკინი. ალექსანდრე სერგეის ძეს მოეწონა ქალაქის აღმოსავლური ეგზოტიკა, ტფილისის აბანოები და ადგილობრივი საზოგადოება. შემთხვევითი არ არის, რომ პოეტის საყვარელი გმირი ევგენი ონეგინი  დაუმთავრებელ თავში „მოგზაურობანი“, მათ შორის, არაგვისა და მტკვრის ნაპირებზე მოგზაურობს.

საქართველოშიც აღნიშნავენ რუსული ენის დღეს, რადგან აქ ის რჩება კულტურათაშორისი ურთიერთობის ენად. კვლევების მონაცემების თანახმად, ქართველების 74% ამა თუ იმ დონით ფლობს რუსულს: რესპონდენტთა 9% აფასებს თავის დონეს, როგორც მოწინავეს, 42% – როგორც საშუალოს, და 23% – როგორც დამწყებს. მხოლოდ 15%-მა თქვა, რომ საერთოდ არ ფლობს რუსულს.