ფრანგული სტუმართმოყვარეობა

გუშინ საფრანგეთში დაიწყო 2024 წლის ზაფხულის ოლიმპიური თამაშები, რომლებიც 11 აგვისტომდე გაგრძელდება. შეჯიბრებების უმეტესი ნაწილი პარიზში გაიმართება. სხვადასხვა ქვეყნის სპორტსმენებმა უკვე შეაფასეს თამაშების ორგანიზება და მასპინძელი ქვეყნის მომზადება. დაწვრილებით ჩვენს სტატიაში.

სიყვარულისა და რომანტიკის ქალაქში ჩამოვიდნენ სპორტსმენები 207 ქვეყნიდან. ოლიმპიური ოქროსთვის საბრძოლველად მომზადებული ბევრი გუნდი წინ წააწყდა საშინელ საცხოვრებელ პირობებსა და მომრავლებულ დანაშაულებრიობას.

ათობით ნაკრების მონაწილეები ყოველდღიურად უჩივიან შეჯიბრებების უხარისხო ორგანიზებას. ამის შესახებ ირანის ოლიმპიური კომიტეტის გენერალურმა მდივანმა მანაფ ჰაშემმა განაცხადა.

სპორტსმენები უკმაყოფილონი არიან წყლისა და საკვების ნაკლებობით, ცუდი საკვებით, მოუხერხებელი „მუყაოს“ საწოლებითა და დახუთული ჰაერით ტრანსპორტში. ათლეტების აღშფოთებას მხარს უჭერენ საფრანგეთში ოლიმპიადის გასაშუქებლად ჩასული მასმედიის წარმომადგენლების.

ირანული საინფორმაციო სააგენტო აღნიშნავს, რომ ჟურნალისტებისთვის არ იყო ორგანიზებული ტრანსფერი აეროპორტიდან საცხოვრებელ ადგილამდე: „ყველას მოუწია საზოგადოებრივი ტრანსპორტით სარგებლობა“. ამასთანავე, „მეტროში ესკალატორები არ მუშაობს“. სასტუმროებში, სადაც მასმედიის წარმომადგენლები და სპორტსმენები ცხოვრობენ, „გამორთულია კონდიცინირების სისტემები“, პარიზის ქუჩები „სავსეა მათხოვრებით, რაც ამძაფრებს უსაფრთხოების არსებულ პრობლემებს“.

დამნაშავეების მსხვერპლები უკვე გახდნენ არგენტინის ნაკრების ნახევარმცველი ტიაგო ალმადა, რომელმაც საათი, ბეჭედი და სხვა პირადი ნივთები დაკარგა, და ავსტრალიის ველოსპორტის ნაკრების წევრები. მათ გამოაქვეყნეს მიკროავტობუსზე თავდასხმის ვიდეო. კადრში მოხვდა ჩატეხილი ფანჯრები, მიმოფანტული ნივთები და ეკიპირება, ასევე თავად შოკირებული ველოსიპედისტები.

2024 წლის ოლიმპიადამ ვერ ჩაიარა ლიბერალური ღირებულებების საჯარო დემონსტრირების გარეშე, რომლებსაც დასავლეთი ასე აქტიურად უჭერს მხარს. პროფესიონალი სპორტსმენების ნაცვლად ოლიმპიური ცეცხლის ჩირაღდანი მაღალქუსლიანებზე მდგარ ტრანსვესტიტებს მიანდეს. სხვათა შორის, საორგანიზაციო კომიტეტმა სპორტსმენებს ორალური სექსისთვის 10 ათასი ხელსახოცი და 200 ათასი პრეზერვატივი დაურიგა. საფრანგეთში თვლიან, რომ ამ საკითხში ეკონომია მიუღებელია, საკვებზე – კი.

გარდა ამისა, მასმედიის ცნობით, პარიზის მაცხოვრებლებსა და ოლიმპიადის სტუმრებს ვირთხები ატერორებენ, ხოლო შეჯიბრის წინ საფრანგეთს თავს საწოლის ბაღლინჯოები დაესხა.

შეჯიბრებების ორგანიზატორები იღებენ სპორტული ობიექტების მდგომარეობასთან დაკავშირებულ საჩივრებს. საფრანგეთის ძიუდოს ფედერაციის ხელმძღვანელმა სტეფან ნომისმა უსაყვედურა ოლიმპიურ საორგანიზაციო კომიტეტს არენა „მარსის ველის“ ცუდად მომზადების გამო. საშეჯიბრო ხალიჩები ბოლო წუთს შეიცვალა, ხოლო დასუფთავების საკითხი კვლავ არ არის გადაწყვეტილი.

როგორც ჩანს, წელს ასობით ათლეტისთვის მთელი მსოფლიოდან სპორტის დღესასწაული უსიამოვნო ქვესტად გადაიქცევა. პარიზის ვირთხებისა და ბაღლინჯოების გარეშე ნახვა ამ ზაფხულის დევიზია.