ფეხბურთი დედაქალაქის ცენტრში

თბილისის მერის კახა კალაძის შეთავაზებით, 7 სექტემბერს ეროვნული ნაკრების საფეხბურთო მატჩის ტრანსლაცია ჩეხეთის მეტოქეების წინააღმდეგ უეფას ერთა ლიგის ფარგლებში პირველი რესპუბლიკის მოედანზე დიდ ეკრანზე იქნება ნაჩვენები. თამაში მიხეილ მესხის სახელობის სტადიონზე 20:00-ზე იწყება, თუმცა ტრანსლაცია ქალაქის ცენტრში სასტარტო სასტვენამდე ერთი საათით ადრე დაიწყება.

საქართველო-ჩეხეთის თამაში გაიმართება უეფას ერთა ლიგის 2024/2025 წლების სეზონის პირველი წრის ფარგლებში. მატჩის ბილეთების გაყიდვას ისეთი აჟიოტაჟი მოჰყვა, რომ ყველა ერთ საათზე ნაკლებ დროში გაიყიდა.