პარაოლიმპიური პრემიები ოლიმპიურ პრემიებს გაუტოლდა

სპორტის მხარდაჭერის ფარგლებში საქართველოს მთავრობამ მიიღო გადაწყვეტილება, დაეწესებინა პარაოლიმპიელი სპორტსმენებისთვის იმავე ოდენობის პრემიები, რაც ოლიმპიადის მონაწილეებისთვის. ოქროს მედლისთვის სპორტსმენები მიიღებენ 1 მლნ ლარს ($368 ათასი), ვერცხლის მედლისთვის – 500 ათას ლარს ($184 ათასი), ბრინჯაოს მედლისთვის – 250 ათას ლარს ($92 ათასი).

პარაოლიმპიური თამაშები 28 აგვისტოდან 8 სექტემბრის ჩათვლით გაიმართება. საქართველოს 6 სპორტის სახეობაში 14 სპორტსმენი წარადგენს. ეს ქვეყნისთვის რეკორდული მაჩვენებელია, რადგან 2012 წლამდე ჩვენ გვყავდა მხოლოდ 3 პარასპორტსმენი სპორტის 2 სახეობაში. დღეს პარაოლიმპიურ კომიტეტში 350 პარასპორტსმენია, რომელიც 15 სპორტის სახეობაში ასპარეზობს.