მზადდება ღეროვანი უჯრედების დონორთა რეესტრი

ძვლის ტვინის ტრანსპლანტაციის პროგრამის ფარგლებში თბილისის მერია დააფინანსებს კვლევას ღეროვანი უჯრედების დონორთა რეესტრის შესაქმნელად. დონორთა ბანკში მოსახვედრად და შესაბამისი პროცედურების გასავლელად მოქალაქეებს შეუძლიათ, მიმართონ დედაქალაქის მერიას საჭირო საბუთების წარდგენით.

თბილისის მერმა კახა კალაძემ განაცხადა, რომ დონორთა ბანკის შექმნაში ჩართულია ძვლის ტვინის დონორთა მსოფლიო ორგანიზაციაც. წინა წელს მისი წარმომადგენლები საქართველოში ჩამოვიდნენ ჯანდაცვის სამინისტროში პროგრამული საკითხების განსახილველად.