მერია გამოყოფს ტრანსპორტს აბიტურიენტებისთვის

თბილისის მერიაში განაცხადეს ერთიანი ეროვნული გამოცდების პერიოდში აბიტურიენტთა მხარდაჭერის გადაწყვეტილების შესახებ. 3 ივლისიდან 6 აგვისტოს ჩათვლით, 6-დან 20 საათამდე, დედაქალაქში მოძრაობს ავტობუსების დამატებითი მარშრუტები საგამოცდო ცენტრების მიმართულებით. აღნიშნულია, რომ ტრანსპორტში მოქმედებს სტანდარტული ტარიფი.

ავტობუსებს მიჰყავთ მგზავრები №39, 103, 133, 147, 175, 177, 191 და 207 საჯარო სკოლების საგამოცდო ცენტრებში “ახმეტელის თეატრის”, “სამგორის”, “დიდუბისა” და “ღრმაღელეს” მეტროს სადგურებიდან.