კუბდარის ფესტივალი სვანეთში გაიმართება
31 ივლისი, 2024
3 აგვისტოს მესტია სვანური სამზარეულოს ცნობილი კერძის – კუბდარის საპატივცემულოდ ფესტივალს უმასპინძლებს. მასში მონაწილეობას მიიღებს 20 ადგილობრივი კვების ობიექტი და სპეციალური სტუმარი, არტურ ლინკევიჩი, თბილისის სამი რესტორნის ბრენდ შეფი, რომელსაც საფრანგეთში მიშლენის ვარსკვლავებით აღჭურვილ დაწესებულებებში მუშაობის გამოცდილება აქვს.
გამარჯვებულების გამოსავლენად ჟიურის წევრები ბრმა დეგუსტაციას ჩაატარებენ, შემდეგ კი მესტიის საუკეთესო კუბდარის რეიტინგს შეადგენენ.
ღონისძიების ორგანიზატორები არიან სვანეთის შესახებ ეთნო-კულინარიული წიგნის ავტორი ქსენია ფარჯიანი და კულინარიის მასტერკლასების ცენტრის გუნდი ლატალიდან.
კომენტარის დატოვება