ქართველმა ბოსფორი დაიპყრო

თურქეთის ეროვნული ოლიმპიური კომიტეტის ოფიციალურ საიტზე გავრცელდა ინფორმაცია, რომ 52 წლის თამილა შარუხია გახდა პირველი ქართველი, რომელმაც ბოსფორი დაიპყრო. კონტინენტთშორისი გაცურვის ფარგლებში, რომელიც წინა კვირას გაიმართა, ჩვენი ქვეყნის წარმომადგენელმა 1 საათში 22 წუთსა და 36 წამში მოახერხა სრუტის 6,5 კმ-ის გადაცურვა.

ყოველწლიურ შეჯიბრში 2,8 ათასმა ადამიანმა მიიღო მონაწილეობა. ბოსფორის გაცურვაში საქართველოს ასევე წარმოადგენდნენ იური პეტროვი და კახა მებონია.