ხალხის შემოსავალი გაიზარდა

“საქსტატის” მონაცემებით, 2023 წელს საქართველოში საშუალო თვიური შემოსავალი ერთ ოჯახზე 2022 წელთან შედარებით 18,4%-ით გაიზარდა და 1 722 ლარი შეადგინა. საშუალო თვიური შემოსავალი ერთ სულზე 20,5%-ით – 521 ლარამდე – გაიზარდა. ოჯახის შემოსავლის ძირითადი წყარო ფულადი შემოსავლები და გადარიცხვები გახდა, რომლებმაც 87,7% შეადგინა.

ხელფასი შეადგენს ოჯახის შემოსავლის 48%-ს, სახელმწიფო დახმარება – 21,8%-ს, შემოსავალი თვითდასაქმებიდან – 11,8%-ს, ნაჩუქარი სახსრები – 8,6%-ს, სოფლის მეურნეობის პროდუქციის გაყიდვიდან მიღებული ფული – 5,7%-ს, უცხოური გადარიცხვები – 3,3%-ს, მიღებული ქირა – 0,9%-ს.