იზრდება თუ არა ტურიზმიდან მიღებული შემოსავალი?

ივლისში საქართველომ საერთაშორისო ტურიზმიდან, დაახლოებით, $600 მლნ-ს ოდენობის შემოსავალი მიიღო, რაც 23,5%-ით მეტია წინა წლის მაჩვენებელთან შედარებით. იანვრიდან ივლისის ჩათვლით საერთაშორისო ტურიზმიდან მიღებულმა მთლიანმა შემოსავალმა $2,5 მლრდ-ს გადააჭარბა, რაც 9,1%-ით აღემატება 2023 წლის მაჩვენებელს. პროგნოზების თანახმად, მთელი 2024 წლის განმავლობაში საერთაშორისო ტურიზმიდან მიღებულმა შემოსავალმა შეიძლება, $4,3-4,5 მლრდ-ს მიაღწიოს.

ამასთანავე, ანალიტიკოსები მიიჩნევენ, რომ რეალური ინფლაციის ზრდის გამო ტურიზმის დარგში შემოსავლების წინა წლებთან შედარება უმართებულოა. ბოლო წლის განმავლობაში საქართველოში შესამჩნევად გაიზარდა ფასები საკვებსა და რესტორნების მომსახურებაზე, ხოლო ცხოვრების გაძვირებამ განაპირობა შრომის ხარჯების ზრდა, რამაც გავლენა მოახდინა სხვადასხვა საქონლისა და მომსახურების ღირებულებაზე.