იხსნება მიმომფრენ ფრინველებზე ნადირობის სეზონი

საქართველოს გარემოს დაცვისა და სოფლის მეურნეობის სამინისტრომ 24 აგვისტოს მიმომფრენ ფრინველებზე ნადირობის სეზონის გახსნა დაანონსა. ის 2025 წლის 1 მარტამდე გაგრძელდება. მონადირეებს დასჭირდებათ შსს-ს მიერ გაცემული საბუთი სანადირო იარაღის შენახვისა და ტარების უფლების შესახებ და 10 ლარის ღირებულების მოსაკრებლის ქვითრის დედანი.

საქართველოს ტერიტორიაზე ნადირობა აკრძალულია სახელმწიფო ნაკრძალებიდან 500 მეტრის რადიუსში და ეროვნული პარკებიდან 250 მეტრის რადიუსში.