ეკონომიკა იზრდება

საქსტატის ინფორმაციით, 2024 წლის მაისში საქართველოში რეალურმა ეკონომიკურმა ზრდამ 2023 წლის მაისთან შედარებით 9.2% შეადგინა, ამასთან, არც ერთ სექტორში დაღმავალი ტენდენცია არ გამოვლენილა. 2024 წლის პირველი ხუთი თვის საშუალო რეალური მშპ-ს ზრდის ტემპი 9.3% იყო.

მაისში ქვეყნის ეკონომიკის ზრდა უზრუნველყოფილი იყო ინფორმაციისა და კომუნიკაციის, პროფესიული და სამეცნიერო – ტექნიკური საქმიანობის, ფინანსური და სადაზღვევო საქმიანობის, მშენებლობის, ტრანსპორტისა და სასაწყობო და გადამამუშავებელი წარმოების სფეროებში მაჩვენებლების გაზრდით. თვის განმავლობაში საქართველოში 6.3 ათასამდე ახალი საწარმო დარეგისტრირდა.