დედაქალაქში საზაფხულო საბავშვო ბაღები იხსნება

5 ივნისს თბილისის საზაფხულო ბაღებში დაიწყება ბავშვების ელექტრონული რეგისტრაცია. საზაფხულო ბაღების სიასთან გაცნობა და დარეგისტრირება შესაძლებელია თბილისის საბავშვო ბაგა-ბაღების მართვის სააგენტოს საიტზე. დედაქალაქის მერმა კახა კალაძემ განაცხადა, რომ წელს საზაფხულო ბაღების რაოდენობა დედაქალაქში 45-დან 50-მდე გაიზრდება. ისინი შეძლებენ 18 ათასამდე ბავშვის მიღებას.

რეგისტრაცია გაგრძელდება ივნისის ბოლომდე. საბავშვო ბაღებში ჩაირიცხებიან თბილისის საბავშვო ბაღებში დარეგისტრირებული ორიდან ექვს წლამდე ასაკის ბავშვები, მათ შორის, მომავალი პირველკლასელები.