დედაქალაქის სატრანსპორტო სიახლეები

თბილისში გაჩნდა ახალი ავტობუსების მარშრუტები, რომლებიც აკავშირებს ვარკეთილისა და ვაკე-საბურთალოს რაიონებს. შეიცვალა №309 მარშრუტის ბოლო გაჩერება – ახლა ავტობუსები ვარკეთილიდან ჭავჭავაძის გამზირზე კუს ტბისკენ შესახვევამდე და საპირისპირო მიმართულებით იმოძრავებს. ამ მარშრუტზე 13 12-მეტრიანი ავტობუსი მოძრაობს, სამომავლოდ მათ კიდევ 2 დაემატება.

გარდა ამისა, №310 მარშრუტი გაგრძელდა სახელმწიფო უნივერსიტეტის მაღალსართულიან კორპუსამდე. მასზე 14 12-მეტრიანი ავტობუსი შეიცვალა 19 ახალი 18-მეტრიანი MAN ავტობუსით.