დასრულდა ბათუმის გმირთა ხეივნის კეთილმოწყობა

ტურისტული სეზონისთვის ბათუმში მთლიანად დასრულდა გმირთა ხეივნის რეაბილიტაცია. 25,4 მლნ ლარის ღირებულების პროექტში შეტანილი იყო სერიოზული ცვლილებები, მათ შორის, მიწისქვეშა კომუნიკაციების შეცვლა, სარწყავი სისტემის შექმნა და ასევე სავაჭრო და რეკრეაციული ზონების, შადრევნებისა და ველოპარკინგის მოწყობა.

სამუშაოების ფარგლებში აშენდა სამი საფეხმავლო ხიდი, რომელიც აკავშირებს ხეივნის სხვადასხვა ნაწილს და რომელიც უზრუნველყოფილია პანდუსებით შშმ პირებისთვის. გარდა ამისა, ხეივანზე დაირგო 12 ათასი მცენარე, რამაც მას მოქალაქეებისთვისა და ტურისტებისთვის ახალი მწვანე სიცოცხლე და მიმზიდველი იერსახე შესძინა.