და კვლავ დარღვევები

აპრილიდან ივნისის ჩათვლით სურსათის ეროვნულმა სააგენტომ მთელი ქვეყნის მასშტაბით ჩაატარა ნახევარფაბრიკატების, რძისა და რძის პროდუქტების, თევზისა და თევზის პროდუქტების, ხორცისა და ხორცის პროდუქტების, საცალო და საბითუმო ვაჭრობის ობიექტების, საზოგადოებრივი კვების ობიექტებისა და სხვა ობიექტების 3,1 ათასი შემოწმება. შედეგად, 82 ობიექტი დაჯარიმდა კრიტიკული შეუსაბამობის გამო.

გამოვლენილ დარღვევებს შორისაა უხარისხო ხორცის რეალიზაცია, არასათანადო რეცხვა და დეზინფექცია, სანიტარიული და ჰიგიენური ნორმების დარღვევა, პროდუქციის ტემპერატურისა და შენახვის პირობების დარღვევა, მაცივრებში კონდენსატის წარმოქმნა. არაკრიტიკულ დარღვევებთან დაკავშირებით საწარმოებს მიეცათ რეკომენდაციები.