აუთლეთ სოფელი დეკემბერში გაიხსნება

საქართველოში და მთელ სამხრეთ კავკასიაში პირველი აუთლეთ სოფლის “Tbilisi Outlet Village”-ის (TOV) გახსნა 2024 წლის დეკემბერში იგეგმება. თავდაპირველად მისი გახსნა 2022 წელს იყო დაგეგმილი, მაგრამ ვადები რამდენჯერმე გადაიდო. სოფელი მდებარეობს თბილისის გარეუბანში, ლილოს რაიონში. მისი ფართობი 12,5 ათასი კვადრატული მეტრია და უახლოეს სამ წელიწადში 20 ათასამდე გაფართოვდება.

ცნობილია, რომ TOV-ში წარმოდგენილი იქნება 70-მდე ბრენდი, 8 რესტორანი და აღჭურვილი იქნება სივრცე 6 კიოსკისთვის. ხელშეკრულებები უკვე გაფორმებულია “Nike”-თან, “Puma”-სთან, “Adidas”-თან, “Emporio Armani”-სთან, “Armani Exchange”-სთან, “DKNY”-სთან და სხვა ცნობილ ბრენდებთან.