თბილისში საზღვაო ბულვარი გაჩნდება

თბილისის წყალსაცავის სანაპიროზე იგეგმება თბილისის ბულვარის მშენებლობა, რომელშიც 30-ზე მეტი სხვადასხვა შენობა და ნაგებობა შევა. არსებული მცენარეულობის გარდა, ასევე დამატებითად დაირგვება სხვადასხვა უნიკალური ჯიშის 3000 ახალი ხე. გეგმის მიხედვით, პროექტი 5-6 წლის განმავლობაში განხორციელდება.

ახალი მწვანე მინი ქალაქი აშენდება 30 ჰექტარის ფართობის მონაკვეთზე, “Gino Paradise”-ის აკვაპარკის გვერდით. თავად ბულვარის გარდა, იქ აშენდება საცხოვრებელი კომპლექსი, სავაჭრო ცენტრი, ბიზნეს ცენტრი, სარეაბილიტაციო ცენტრი, სამედიცინო კლინიკა, სკოლა, საბავშვო ბაღი, აკვაპარკი, რამდენიმე სასტუმრო, იახტ კლუბი და ნავების სადგური, 850 მანქანაზე გათვლილი ავტოპარკინგი, სპორტული და სხვა ობიექტები.