რეგიონში ქართული პასპორტი ყველაზე ფასეულია

საერთაშორისო კომპანია Henley & Partners-ის მსოფლიო პასპორტების ფასეულობის ინდექსში საქართველომ 51-ე ადგილი დაიკავა. მასში ფასდება გადაადგილების თავისუფლება და უვიზოდ მონახულებული სახელმწიფოების რაოდენობას. წინა წელთან შედარებით საქართველოს პასპორტმა რეიტინგში ერთი პოზიციით დაიწია. ქართული პასპორტი იძლევა 122 ქვეყანაში უვიზოდ მოგზაურობის საშუალებას.

ქართული პასპორტი კიდევ ერთხელ გახდა ლიდერი რეგიონში. მას მოსდევს რუსეთი – 52-ე ადგილი (მოქალაქეებს შეუძლიათ უვიზოდ მსოფლიოს 120 ქვეყანაში მგზავრობა), თურქეთი – 53-ე ადგილი (118 ქვეყანაში), აზერბაიჯანი – 72-ე ადგილი (72 ქვეყანაში), სომხეთი – 75-ე ადგილი (69 ქვეყანაში).